Montgomery's Peggy.

Tune - "Galla-Water."
I.
Altho' my bed were in yon muir,
Amang the heather, in my plaidie,
Yet happy, happy would I be,
Had I my dear Montgomery's Peggy.
II.
When o'er the hill beat surly storms,
And winter nights were dark and rainy;
I'd seek some dell, and in my arms
I'd shelter dear Montgomery's Peggy.
III.
Were I a baron proud and high,
And horse and servants waiting ready,
Then a' 'twad gie o' joy to me,
The sharin't with Montgomery's Peggy.